monumenta.ch > Hieronymus > sectio 28

Word Selection for Searching

Report an Error in this Sectio
Hieronymus, Epistulae, 3, 78, 28
XXVI. MANSIO. Et profecti de Methca, castra metati sunt in Asmona) Num. 33. 29). Vicesima sexta Mansio in lingua nostra 'festinationem' sonat: iuxta illud quod in Psalmo scribitur, 'Venient legati ex Aegypto' . Pro 'legatis' in Hebraeo, 'festinantes' legimus: ut postquam dulces fructus laboris messuerimus, non simus quiete contenti et otio; sed rursum ad ulteriora properantes, obliviscamur praeteritorum, et in futura nos extendamus.